Koshishein

Koshishein

Koshishein bahut ki, 

Ki kuchh pal samett loon apni jholi mein

Kuchh iss kadar, ki zindagi bhar jeene ko kaafi ho..

Lekin kismat ka fera bhi ajeeb hai,

Laakh samjhane aur samajhne ka daur bhi alag hai

Kuchh baatein adhoori hi theek hain

Kuchh raatein andheri hi theek hain

Yeh dhoop bhi zaroori hai, yeh chhaanv bhi zaroori hai

Zindagi samajhne ko, yeh algaav bhi zaroori hai

Kuchh yaadein adhoori hi theek hain

Kuchh saath adhoore hi theek hain

Sawaal hain tumse, naa jaane kitne

Jawaab bhi hain dene, naa jaane kitne

Sab theek hai, jo dilase hain, kaafi hain

Sab theek hai, jo sahare hain, kaafi hain

Main dooba nahin hoon, main ruka zaroor tha..

Par thama nahin hoon..

Chalna hai, chalte rahunga

Duayein hi bahut hain, wahi deta rahunga

Kyunki,

Kuchh baatein adhoori hi theek hain

Kuchh raatein andheri hi theek hain

Lekin, maine,

KOSHISHEIN BAHUT KI..!! ❤️