Tumhare jaane se baaki kuchh badla to nahin hai..
bas, ek muskaan thi jo gumm ho gayi,
bas, ek ajeeb si chubhan hoti hai dil mein
bas, ek ye dil cheekhta hai par kisiko sunai nahi deta
bas, ajeeb si uljhan rehti hai hardam
Kahin kuchh apna sa maano chhoot gaya ho
Ek kachcha sa dil jaise toot gaya ho
Kuchh kehna bhi chahun to ruk jaata hoon
Kuchh kehne bhi jaaun to bikhar jaata hoon
Ek zinda si laash bankar chal rha hoon jaise
Majbooriyon mein ulajhkar jal raha hoon jaise
Ab koi iraada nahin hai kisiko hamdard banane ka
Ab jaise har pal har kshann hai bas dard chhupane ka
bas, apno se rootha hoon main,
kehlo ab jitna bhi kuchh, jhootha hoon main
Tumhare jaane se baaki kuchh badla to nahin hai..
-Swapnil
No comments:
Post a Comment